Vill kjósa um framtíð Breta í ESB

Utanríksiráðherra Bretlands, William Hague, telur að Bretar eigi að fá að koma skoðunum sínum á framfæri varðandi samband Bretlands og Evrópusambandsins. Telur hann að það yrði best gert með annað hvort þjóðaratkvæðagreiðslu eða með almennum kosningum. Þetta kemur fram í viðtali við Hague í breska dagblaðinu Daily Telegraph í dag.

Hann tekur hins vegar fram að ríkisstjórn Íhaldsflokksins og Frjálslyndra demókrata myndi væntanlega hafna því að farið verði í þjóðaratkvæðagreiðslu um hvort Bretar verði áfram í ESB eða ekki.

Talið er að Evrópumál verði eitt helsta viðfangsefni fundar Íhaldsflokksins sem hefst í dag. Líkur eru á að flokkurinn kynni áætlun um valdatilfærslu frá Brussel til Bretlands.

Hague tekur fram í viðtalinu að hann styðji veru Breta í ESB en segir ýmisleg vandamál tengd skriffinnsku sambandsins sem hafi áhrif á daglegt líf Breta. 

• 1 blogg um fréttina

Bloggað um fréttina

• Heimssýn: Minnimáttarkennd ESB-sinna