Vill hvetja konur til að vera heima

Hvetja ætti þýskar konur til þess að „halda sig heima við og koma þremur eða fjórum börnum í heiminn“ í stað þess að treysta á að innflytjendur leysi mannfjöldavanda Þýskalands. Þetta segir Joachim Meisner, kardináli kaþólsku kirkjunnar í Köln, í samtali við þýska dagblaðið Stuttgarter Zeitung.

Meisner gagnrýnir Angelu Merkel, kanslara Þýskalands, harðlega í viðtalinu og segir stefnu ríkisstjórnar hennar í fjölskyldumálum vera í ætt við þá stefnu sem rekin hafi verið í Austur-Þýskalandi þar sem heimavinnandi konur hafi verið álitnar „geðveikar“.

Fæðingartíðni í Þýskalandi er sú lægsta í Evrópu eða einungis 1,36 börn á hverja konu. Þrátt fyrir aðgerðir stjórnvalda til þess að auka fæðingartíðni með því meðal annars að stórauka barnabætur hefur hún lítið breyst.

• 1 blogg um fréttina

Bloggað um fréttina

• Kristin stjórnmálasamtök: Erkibiskupinn í Köln varpar sprengju inn í háborg værukærra stjórnmálamanna