Vilhjálmur Bretaprins indverskur

DNA-prófanir á Vilhjálmi Bretaprinsi, tilvonandi konungi breska samveldisins, hafa leitt í ljós að prinsinn er beinn afkomandi indverskrar konu að nafni Eliza Kewark. Hún var húshjálp langa-langa-langa-langa-langafa Vilhjálms, Skotans Theodore Forbes kaupmanns, sem starfaði fyrir Austur-Indíafjelagið í Súrat. Vilhjálmur er annar í röðinni um bresku krúnuna á eftir föður sínum, Karli Bretaprinsi.

Prófanirnar leiddu í ljós að milli prinsins og konunnar er beinn og óslitinn erfðahlekkur, en konan var að hluta til af indverskum uppruna. Saman áttu Forbes og Eliza dótturina Kathrine, og er talið að erfðaefnið hafi borist prinsinum úr móðurætt prinsins, frá Díönu prinsessu heitinni, fyrrverandi eiginkonu Karls, föður þeirra Vilhjálms og Harrys.

Times of India segir frá.

• 1 blogg um fréttina

Bloggað um fréttina

• Jóhannes Ragnarsson: Hálfíslenski sjómannssonurinn Vilhjálmur