Utanríkisráðherra Ekvadors hefur staðfest að bandaríski uppljóstrarinn Edward Snowden hefur sótt um hæli í landinu. Þetta kom fram á blaðamannafundi ráðherrans, Ricardos Patino.
Patino las á fundinum upp bréf sem ríkisstjórnin fékk frá Snowden. Óvíst er hvar hann er nú niður komin en kenningar eru uppi um að hann sé á leið til Kúbu og muni fara þaðan til Ekvadors.
Snowden hefur verið ákærður fyrir að stela gögnum bandarískra stjórnvalda og að hafa í leyfisleysi komið þeim á framfæri.
Snowden vill alls ekki fara til Bandaríkjanna. Hann segir að þar í landi fengi hann ekki réttláta málsmeðferð og ætti jafnvel yfir höfði sér lífstíðarfangelsi.