Frumvarp um lögleiðingu hjónabanda samkynhneigðra var samþykkt í lávarðadeild breska þingsins í dag. Fjöldi baráttufólks fyrir réttindum samkynhneigðra fagnaði fyrir utan þinghúsið eftir að niðurstaðan lá fyrir.

Stuðningsmenn frumvarpsins á meðal þingmanna gengu með bleik blóm í tilefni dagsins. Lávarðadeildin samþykkti að senda frumvarpið aftur til neðri deildarinnar þar sem þingmenn munu fara yfir breytingatillögur ríkisstjórnarinnar áður en frumvarpið verður samþykkt sem lög.

Fastlega er búist við því að frumvarpið verði samþykkt þar sem að neðri deildin hefur áður samþykkt það með 390 atkvæðum gegn 148. Frumvarpið gerir samkynhneigðum pörum kleift að gifta sig bæði borgarlega og með trúarlegum athöfum í Englandi og Wales þrátt fyrir að Englandskirkja bjóði ekki upp á athafnir fyrir pör af sama kyni.

Tengdar fréttir

Réttindabarátta hinsegin fólks

Vitundarvakning þolir enga bið

• Mjög alvarlegt ef um hatursglæp er að ræða
• Stenst stjórnarskrá að banna samkynja hjónabönd
• Stjórnvöld brjóta stjórnarskrávarinn rétt fólks
• Samkynhneigðir sakaðir um hryðjuverk

» Fleiri tengdar fréttir

• 2 blogg um fréttina

Bloggað um fréttina

• Ásgrímur Hartmannsson: Leiðir hugann að nokkru hér á íslandi:
• Kristin stjórnmálasamtök: Leiðandi flokkur í upplausn á tíma afstæðishyggju?