Pentagon undirbýr hugsanlega lokun
Setja bókamerki
Starfsmenn varnarmálaráðuneytis Bandaríkjanna voru í dag varaðir við því að starfsemi stofnana hersins yrði hugsanlega lokað ef ekki tækist samkomulag á Bandaríkjaþingi um fjárlög.
Nýtt fjárlagaár í Bandaríkjunum byrjar 1. október næstkomandi. Stjórnmálamenn á Bandaríkjaþingi hafa því aðeins eina viku til að komast að samkomulagi um fjárveitingar næsta árs. Miklar deilur eru milli Baracks Obama forseta og repúblikana, sem fara með meirihluta í fulltrúadeildinni, um ríkisfjármál.
George Little, talsmaður Pentagon, sagði í dag að ef ekki tekst samkomulag fyrir mánaðamót yrði að loka starfsemi hersins víða um heim. Hermenn yrðu áfram við störf, en borgaralegir starfsmenn hersins yrðu sendir í frí. Jafnframt myndu launagreiðslur tefjast. Hermenn myndu fá sín laun, en hugsanlega ekki á réttum tíma.
„Á réttri leið en nokkuð í land ennþá“
„Hvílir mikil leynd yfir þessu öllu“
Æskuvinur Íslendings myrtur í Noregi
Skiptir miklu meira máli en fólk grunar
Tveir í bílnum sem lenti utan vegar
Handtekin eftir að tvö börn fundust látin
Handteknir eftir myndatöku í Vesturbæjarlaug