Tók fótlegginn af með ávaxtahníf

Kínverskur bóndi sem fékk blóðtappa í fótinn og fékk ekki þá læknisaðstoð sem hann þurfti, tók málin í eigin hendur og tók fótlegginn af með ávaxtahníf og járnsög.

Í frétt Huffingtonpost um málið segir að Zheng Yanliang, 47 hafi farið að finna fyrir sársauka í fætinum í janúar árið 2011. Hann hafði hins vegar ekki efni á að láta taka fótinn af, líkt og læknir hafði mælt með.

Hann fékk verkjalyf en þau höfðu ekki áhrif og heilsu hans hrakaði. Fréttir herma hins vegar að nótt eina í apríl í fyrra hafi hann sagað fótlegginn af með ávaxtahníf og járnsög.

Hann segist hafa notað hnífinn til að skera í gegnum skinnið en sögina til að saga í gegnum beinið. Hann vildi ekki valda eiginkonunni áhyggjum en þurfti að lokum að biðja hana um hjálp þegar sagarblaðið brotnaði.

Zheng þarf nú á annarri aðgerð að halda því að taka þarf af hinn fótlegginn. Dagblaðið Daily Star segir að í þetta sinn þurfi hann ekki að gera það sjálfur því læknir í Shanghaí hefur boðist til að gera það ókeypis.

• 1 blogg um fréttina

Bloggað um fréttina

• Þorkell Guðnason: Fullorðins...