Lögreglan í New York í Bandaríkjunum hefur nú birt gagnvirkt kort með upplýsingum um glæpi í borginni. Þar getur almenningur nálgast upplýsingar um þjófnaði og ofbeldi í hverfum borgarinnar.
Glæpatíðni í borginni hefur minnkað töluvert síðastliðin tuttugu ár og er New York nú öruggasta borg Bandaríkjanna. Hægt er að nálgast upplýsingar um síðasta ár og fyrstu 10 mánuði þessa árs.