Frá og með deginum í dag er íbúum í Búlgaríu og í Rúmeníu frjálst að starfa án nokkurra takmarkana í öllum aðildarríkjum Evrópusambandsins.
Rúmenía og Búlgaría gengu í ESB árið 2007. Fram kemur á vef breska ríkisútvarpsins, að nokkur aðildarríki ESB hefðu samþykkt takmarkanir gagnvart íbúum landanna, sem eru fátækustu ESB-ríkin.
Réttindi íbúa til að vinna og sækja um bætur voru takmarkaðar fyrstu sjö árin.
Í auðugri ríkjum ESB óttuðust sumir meiriháttar búferlaflutninga frá löndunum.
Þá hefur Lettland bæst í hóp þeirra ríkja sem hafa tekið upp evru, en landið er það átjánda í röðinni.