Barack Obama, forseti Bandaríkjanna, ræddi við David Cameron, forsætisráðherra Bretlands, í síma í dag. Leiðtogarnir voru sammála um að með hernaðaríhlutun Rússa hefði fullveldi Úkraínu verið fótum troðið.

Þetta kemur fram í fréttatilkynningu frá Hvíta húsinu. Í tilkynningu sagði einnig að Rússar væru þegar farnir að verða fyrir afleiðingum gjörða sinna og hefði traust fjárfesta til Rússlands meðal annars minnkað.

Talsmaður forsætisráðuneytis Bretlands sagði að á fundi leiðtoganna hefði komið fram að þrátt fyrir að Rússar hefðu ekki gripið til alvarlegra aðgerða á síðustu tveimur sólarhringum, væri staðan samt sem áður ótæk. Hersveitir Rússa þyrftu að yfirgefa Krímskaga.

Leiðtogar Evrópuríkja koma saman á morgun í Brussel og ræða leiðir til að aðstoða Úkraínu.

Tengdar fréttir

Úkraína

Pólverjar reiðubúnir að geyma kjarnorkuvopn

• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt
• Tveir létust í úkraínskri drónaárás í Rússlandi
• Myndskeið: Segjast hafa skotið niður sprengjuflugvél

» Fleiri tengdar fréttir

• 2 blogg um fréttina

Bloggað um fréttina

• Torfi Kristján Stefánsson: Ætli þeir hafi heyrt nýjustu fréttirnar?
• Ragnar Kristján Gestsson: Ótrúlegar fréttir af átroðslu fullveldis.