Kim Jong-un var kosinn á þing
Setja bókamerki
Ríkisfréttastofa Norður-Kóreu tilkynnti nú í kvöld að Kim Jong-un, hinn ungi leiðtogi landsins, væri ótvíræður sigurvegari í einu af kjördæmum landsins í þingkosningunum sem fram fóru í landinu í gær. Kim bauð sig fram í kjördæmi númer 111, sem kennt er við fjallið Paektu, og fékk hann öll atkvæðin. Kjörsókn var 100%.
Nú getur leiðtoginn bætt þingmannstitlinum við umsvifamikið titlasafn sitt.
„Þetta er birtingarmynd algers stuðnings og djúpstæðs trausts fólksins í landinu á hinum einstaka leiðtoga Kim Jong-Un,“ sagði í frétt ríkisfréttastofunnar KCNA. „Fólkið er sem einn hugur í fylgispekt sinni við hann og hefur hann í hávegum.“
Boðið var fram í 700 kjördæmum, í hverju þeirra var einn í framboði og þóttu úrslitin því nokkuð fyrirsjáanleg. Norður-Kóreumönnum ber skylda til að kjósa og samkvæmt KCNA nýttu allir íbúar landsins kosningarétt sinn.
Þingið kemur saman 1-2 sinnum á ári
Þingkosningar eru haldnar fimmta hvert ár í landinu, en þetta voru þær fyrstu frá því að Kim Jong-Un tók við völdum. Þingið kemur saman einu sinni til tvisvar á ári, yfirleitt í einn dag í einu, til þess að samþykkja ákvarðanir Verkalýðsflokksins, sem er eini stjórnmálaflokkur landsins.
„Þetta er ekki fyrirmynd fyrir lýðræðisríki, það get ég sagt,“ sagði talsmaður bandaríska utanríkisráðuneytisins, Jen Psaki, í samtali við AFP-fréttastofuna.
Handteknir eftir myndatöku í Vesturbæjarlaug
Væri að ljúga ef ég segðist ekki stressaður
Sex hafa greinst með listeríu
Krefjast stöðvunar framkvæmda
Skar höfuðleðrið af íslenskri konu
Árshátíð ríkislögreglustjóra haldin í Tékklandi
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar