Vladimír Pútín forseti Rússlands staðfesti í dag viðurkenningu Rússlands á   Krímskaga sem „fullvalda og sjálfstæðu ríki“.

Þingið á Krímskaga lýsti formlega yfir sjálfstæði frá Úkraínu í dag, með ósk um að sameinast Rússlandi, í kjölfar þjóðaratkvæðagreiðslu sem þar fór fram í gær. Yfirvöld á Krímskaga fullyrða að 97% kjósenda hafi greitt atkvæði með því að slíta tengslin við Úkraínu.

Opinber ákvörðun Rússa um að viðurkenna sjálfstæði lýðveldisins Krímskaga tekur gildi samstundis, samkvæmt yfirlýsingunni sem Pútín skrifaði undir í dag. Þar segir jafnframt að ákvörðun forsetans sé tekin „í ljósi yfirlýsts vilja almennings í þjóðaratkvæðagreiðslu á Krímskaga“.

Evrópusambandið, Bandaríkin og stjórnvöld í Úkraínu hafna niðurstöðum þjóðaratkvæðagreiðslunnar og segja hana ólöglega.

Mótmælt var við rússneska sendiráðið í Berlín í dag. AFP

Tengdar fréttir

Úkraína

Hernaðaraðstoð samþykkt – Vopnasendingar í vikunni

• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn
• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt

» Fleiri tengdar fréttir

• 1 blogg um fréttina

Bloggað um fréttina

• Frikkinn: Ekkert skrítið við andstöðu Evrópuríkja