Norður-Kóreumenn skutu um 500 sprengikúlum á æfingu í dag. Um 100 þeirra fóru yfir landamærin og til Suður-Kóreu. Þetta segir varnarmálaráðherra Suður-Kóreu.
„Þeir í norðri skutu um 500 skotum og um 100 þeirra lentu í vatninu sunnan við landamærin,“ segir talsmaður varnarmálaráðuneytisins.
Æfing Norður-Kóreumanna stóð í um þrjár klukkustundir. Suður-Kóreumenn ákváðu að skjóta til baka og lentu kúlur þeirra einnig í vatni norðan landamæranna.
Talsmaður varnarmálaráðuneytisins segir að æfingin hafi augljóslega verið til að ögra og til að kanna viðbúnað Suður-Kóreumanna.