Forseti Úkraínu hefur tilkynnt að aðgerðir gegn hryðjuverkum í landinu séu hafnar. Mikil skothríð hefur heyrst á flugvelli í austurhluta landsins en þar hafa stuðningsmenn Rússa smám saman verið að taka völdin síðustu daga. Áð minnsta kosti ellefu eru þegar sagðir hafa látið lífið í þessum aðgerðum í dag.

Í frétt BBC segir að Oleksandr Túrtsjínov,, forseti Úkraínu, hafi tilkynnt þinginu í dag að hernaðaraðgerðir séu hafnar á Donetsk-svæðinu. Sagði hann aðgerðirnar hafa hafist á flugvelli í bænum Kramatorsk. Forsetinn segir að úkraínski herinn hafi þegar náð yfirráðum á flugvellinum.

Stjórnvöld í Kænugarði segjast einnig hafa hafið aðgerðir í bænum Slavyansk í austurhluta landsins. Þangað hefur fjöldi hermanna nú verið sendur.

Í frétt Sky-sjónvarpsstöðvarinnar segir að mikil skothríð hafi heyrst frá flugvellinum.

Dimitri Medvedev, forsætisráðherra Rússlands, sagði í morgun að Úkraína rambaði á barmi borgarastyrjaldar. Spennan hefur aukist í landinu að undanförnu en rússneskumælandi vopnasveitir hafa lagt undir sig ráðhús og lögreglustöðvar í um tíu borgum í austurhluta Úkraínu frá því í byrjun mars.

Túrtsjínov sakaði rússnesk stjórnvöld fyrr í dag um að reyna að hleypa öllu í bál og brand í austurhluta landsins með því að ýta undir aðskilnaðarsinna þar. Rússar neita því hins vegar staðfastlega.

Úkraínskir hermenn rétt hjá bænum Izium í austurhluta Úkraínu. ANATOLIY STEPANOV

ANATOLIY STEPANOV

Tengdar fréttir

Úkraína

Pólverjar reiðubúnir að geyma kjarnorkuvopn

• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt
• Tveir létust í úkraínskri drónaárás í Rússlandi
• Myndskeið: Segjast hafa skotið niður sprengjuflugvél

» Fleiri tengdar fréttir

• 2 blogg um fréttina

Bloggað um fréttina

• Gústaf Adolf Skúlason: Pútín er verri en Sovétleiðtogarnir
• Jóhannes Ragnarsson: Vonandi verður dásamlegt stríð