Sagðir undirbúa kjarnorkusprengingu
Setja bókamerki
Nýjar gervihnattamyndir benda til þess að stjórnvöld í Norður-Kóreu séu að undirbúa fjórðu kjarnorkusprengingu sína neðanjarðar, að mati bandarísku hugveitunnar US-Korea hjá John Hopkins háskólanum í Washington.
Norður-Kóreumenn hafa áður sprengt kjarnorkusprengjur neðanjarðar árin 2006, 2009 og 2013.
Í nýrri skýrslu frá hugveitinni kemur fram að gervihnattamyndir frá því á miðvikudag af helsta kjarnorkutilraunasvæðinu í Norður-Kóreu bendi til þess að Norður-Kóreumann séu „líklega“ að undirbúa stóra sprengingu.
Áður hefur suður-kóreska varnarmálaráðuneytið varað við því sama.
„Við teljum það vera möguleika að þeir sprengi kjarnorkusprengju óvænt eða að þeir bara þykist sprengja kjarnorkusprengju,“ sagði Kim Min-Seok, talsmaður suður-kóreska varnarmálaráðuneytisins, við AFP.
Barack Obama, forseti Bandaríkjanna, er um þessar mundir í heimsókn í Austur-Asíulöndunum. Hann mun meðal annars heimsækja Suður-Kóreu og dvelja þar í tvo daga. Margir stjórnmálaskýrendur telja að vegna heimsóknar forstans vilji stjórnvöld í Norður-Kóreu sýna mátt sinn og megin.
„Þetta er pínu óvanaleg staða“
Bifreið ekið á skrifstofu Útlendingastofnunar
Áköf mótmæli í bandarískum háskólum
Sáttur við sína stöðu og finnur fyrir meðbyr
Baldur: „Ég ætla að svara þessu kalli“
Katrín: Jóhönnustjórnin talaði máli Íslands
Fiskikóngurinn: „Mér fannst sárt að heyra það“