Dómstóll í Egyptalandi dæmdi í dag 102 stuðningsmenn Mohamed Morsi, fyrrverandi forseta landsins, í 10 ára fangelsi, fyrir hörð mótmæli.
Um miðjan apríl voru 120 stuðningsmenn hans dæmdir í þriggja ára fangelsi fyrir samskonar sakir. Í mars síðastliðnum voru 529 stuðningsmenn Morsi dæmdir til dauða fyrir morðtilraunir á lögreglumönnum í borginni Minya, sem er í suðurhluta Egyptalands, þann 14. ágúst í fyrra.
Í frétt AFP segir að hundruðir stuðningsmanna Morsi hafi verið dæmdir í fangelsi á seinustu mánuðum fyrir að taka þátt í óeirðunum. Yfir fimmtíu manns létu lífið í átökunum.