Kona, sem sleppt var úr fangelsi í Súdan í gær, hefur verið handtekin aftur. Konan var dæmd til dauða fyrir guðlast, fyrir að snúa til kristinnar trúar frá íslam.
Þetta kemur fram í frétt BBC. Hefur fréttastofan þetta eftir ættingja konunnar. Þeir segja hana hafa verið handtekna á flugvellinum í Khartoum.
Meriam Ibrahim var dæmd til hengingar í maí. Málið vakti mikla athygli og reiði víða um heim.
Ættingjar hennar segja að hún hafi verið handtekin á flugvellinum ásamt börnum sínum tveimur og eiginmanni.
Ibrahim fæddi barn í fangelsinu.
Fréttir mbl.is:
Dauðadæmdri móður sleppt úr haldi