Fulltrúar úr samtökunum Ríki Íslam (IS) halda því fram í kvöld að þeir hafi tekið bandaríska blaðamanninn James Foley af lífi, til þess að hefna fyrir loftárásir Bandaríkjamanna gegn samtökunum í Írak. 

Gáfu samtökin út myndband í dag sem á að sýna Foley verða hálshöggvinn. Var morðið framið í miðri eyðimörk þar sem erfitt er að bera kennsl á svæðið sem sést í bakgrunni myndbandsins. Morðingi Foleys er með grímu fyrir andlitinu og talar ensku með breskum hreim. Foleys hefur verið saknað eftir að hann var tekinn fastur af skæruliðum í Sýrlandi árið 2012. Samtökin „Find James Foley“ sem hafa unnið að því frá hvarfi hans, að koma honum heilum og höldnum heim, kröfðust í kvöld svara í opinberri tilkynningu á heimasíðu sinni.

Foley var reyndur blaðamaður sem hafði áður skrifað ítarlega um stríðið í Líbýu áður en hann hélt til Sýrlands. Þar sinnti hann fréttastörfum fyrir Global Post og fréttaveituna AFP. 

Var hann tekinn höndum af skæruliðum í Sýrlandi þann 22. nóvember árið 2012 og hefur ekkert spurst til hans síðan þrátt fyrir ítarlegar leitaraðgerðir. 

Tengdar fréttir

Írak

Bandaríkin hæfðu höfuðstöðvar Hisbollah

• Tuttugu ár frá umdeildri innrás í Írak
• Í heimsókn 20 árum eftir innrásina
• 23 skotnir til bana í Írak
• Forsætisráðherrann lifði af banatilræði

» Fleiri tengdar fréttir

• Blogga um frétt