Tveir menn og tvær konur voru handtekin í Norður-Írlandi í dag vegna gruns um að standa á bakvið sendingar á bréfasprengjum
Samkvæmt upplýsingum frá lögreglu voru bréfasprengjurnar sendar á heimilisföng í bæði Norður-Írlandi og í Englandi.
Verið er að yfirheyra fólkið vegna sprengna sem sendar voru í febrúar á nokkrar skrifstofur breska hersins í ýmsum breskum borgum.
Í október á seinasta ári voru bréfasprengjur einnig sendar á heimili þekktra stjórnmálamanna í Norður-Írlandi. Engin af sprengjunum sprakk.
Fólkið var handtekið í borginni Londonderry. Þau eru á aldrinum 21 til 46 ára.