Yfir 1.400 samkynhneigð pör gengu í hjónaband í Englandi og Wales fyrstu þrjá mánuðina sem þau voru leyfð, en ný löggjöf tók gildi í löndunum í lok mars. 56% paranna voru kvenkyns og 44% karlkyns. Talið er að giftingum muni síðan fjölga mikið í desember, en þá geta pör sem áður hafa tekið upp staðfesta samvist gengið í hjónaband.
Áætlað er að fyrstu brúðkaup samkynhneigðra í Skotlandi muni eiga sér stað síðar á árinu, en í Norður-Írlandi eru enn engin teikn á lofti um slíkt.