Írsk heilbrigðisyfirvöld kanna nú hvort einstaklingur sem fannst látinn í morgun, eftir að hann sneri heim frá ríki í Vestur-Afríku hafi verið smitaður af ebóla-veirunni. Maðurinn fannst í bænum Donegal í norðvestur hluta landsins. Búist er við að niðurstöður rannsókna á líki mannsins berist á morgun, en þangað til verður líkið óhreyft í sérstakri geymslu líkhússins.
Um 1.350 manns hafa nú látist í ebóla-faraldrinum í Líberíu, Gíneu, Síerra Leóne og Nígeríu síðan í mars. Dr. Kent Brantly, bandaríski læknirinn sem var fyrsti maðurinn til að fá tilraunalyfið ZMapp við ebólu, var útskrifaður af sjúkrahúsi í Bandaríkjunum í dag. Rannsóknir sýna að hann ber vírusinn ekki lengur í blóðinu.