Vísaði ábyrgðinni á Hamas
Setja bókamerki
Forseti Palestínu, Mahmud Abbas, sakaði í gær Hamas-samtökin um að bera ábyrgð á því að átökin við Ísraelsmenn á Gaza-ströndinni drógust á langinn. Engin þörf hafi verið á því en það hafi hins vegar kostað hundruð Palestínumanna lífið. Fram kemur á fréttavefnum USA Today að ummæli Abbas skapi efasemdir um mögulega þjóðstjórn Palestínumanna í framtíðinni.
Ummæli Abbas féllu nokkrum dögum eftir að Ísraelsmenn og Hamas sömdu um vopnahlé eftir átök sem stóðu yfir meira eða minna í 50 daga. Rúmlega 2.100 Palestínumenn létu lífið í átökunum og þar á meðal hundruð óbreyttra borgara. 71 Ísraelsmaður lét lífið og þar af sex óbreyttir borgarar. Stjórnvöld í Egyptalandi gerðu nokkrar tilraunir til að koma á vopnahléi á milli Ísraelsmanna og Palestínumanna. Hamas samþykkti að lokum vopnahlé á hliðstæðum forsendum og lagt var til fljótlega eftir að átökin hófust.
„Það hefði verið mögulegt að komast hjá þessu öllu, 2 þúsund fórnarlömb, 10 þúsund særðir, 50 þúsund hús eyðilögð,“ sagði Abbas í sjónvarpsávarpi í gær. Hann sagði að Hamas hefði farið fram á það að orðið yrði við kröfum þeirra áður en bundinn væri endir á átökin sem hefði aðeins orðið til þess að draga þau á langinn.
Árshátíð ríkislögreglustjóra haldin í Tékklandi
Veiting hvalveiðileyfis ekki brot á EES-samningi
Tóku upp hanskann fyrir leikskólabörn
Verðbólgan komin niður í 6%
Vona að Orkustofnun veiti ekki virkjunarleyfi
„Það þarf að vinna mikinn fjölda upp“