Sýrlenskar hersveitir gerðu í gær loftárás á þjálfunarbúðir Ríkis Íslam í austurhluta landsins. Sautján liðsmenn hryðjuverkasamtakanna létu lífið í loftárásinni og eitt barn. Árásin er liður í aukinni sókn Bashar al-Assad, forseta landsins, gegn Ríkis Íslam í landinu.
Loftárásin var gerð á þorpið Tibni þar sem liðsmenn hryðjuverkasamtakanna halda til. Barnið sem lést var í heimsókn hjá eldri bróður sínum sem er liðsmaður í samtökunum.
Hersveitir al-Assads gera daglega árásir á Ríki Íslam en liðsmenn samtakanna hafa undanförnu reynt að taka yfir stór svæði í Sýrlandi.