Fundu olíu á norðurskautinu

Rússneska orkufyrirtækið Rosneft hefur greint frá því að það hafi í samstarfi við bandaríska olíufyrirtækið Exxon Mobil fundið olíu í borholu á norðurheimskautinu.

Fyrirtækið segir að olíuborun hafi gengið mjög hratt fyrir sig, en óvíst er hve langan tíma það tekur að undirbúa borholuna fyrir dælingu. 

„Rosneft hefur tekist að bora ofan í nyrstu borholu í heimi - Universitetskaya-1 borholunni á norðurheimskautinu,“ segir í yfirlýsingu sem fyrirtækið sendi frá sér. 

Exxon segir að muni vindan ofan af verkefninu eftir að Bandaríkjastjórn samþykkti að beita rússnesk stjórnvöld refsiaðgerðum vegna aðgerða þeirra í Úkraínu. 

Umhverfisverndarsinnar hafa barist hart gegn olíuvinnslu á svæðinu sem er að mestu ósnortið. 

• Blogga um frétt