„Held að hann yrði frábær forseti“

Jeb Bush, fyrrverandi ríkisstjóri Flórída.
Jeb Bush, fyrrverandi ríkisstjóri Flórída. Wikipedia

George W. Bush, fyrrverandi forseti Bandaríkjanna, segir Jeb bróður sinn nú líta hýru auga til Hvíta hússins og hvetur hann jafnframt til þess að gefa kost á sér til komandi forsetakosninga þar vestanhafs.

„Ég held að hann vilji verða forseti,“ sagði fyrrverandi Bandaríkjaforseti í samtali við fréttamenn Fox News. „Ég held að hann yrði frábær forseti. Hann skilur vel hvernig það er að gegna þeirri stöðu.“

Sjálfur hefur Jeb Bush, sem er fyrrverandi ríkisstjóri Flórída, lítið viðrað þá hugmynd opinberlega að gefa kost á sér til embættis forseta Bandaríkjanna árið 2016. Hann hefur hins vegar lýst því yfir að hann muni tilkynna um ákvörðun sína á næsta ári.

Ef hann tæki ákvörðun um að sækj­ast eft­ir embætti for­seta Banda­ríkj­anna yrði hann sá þriðji í sinni fjöl­skyldu til þess að gegna því en bæði faðir hans, Geor­ge H. W. Bush og bróðir Geor­ge W. Bush hafa gegnt því.

„Við áttum samtal og hvatti ég hann að sjálfsögðu til þess að gefa kost á sér til embættis forseta. Hann hins vegar sagði við mig að hann hefði ekki enn ekki gert upp hug sinn,“ sagði George W. Bush ennfremur í viðtali við Fox News.

mbl.is

Bloggað um fréttina

Frá Sýrlandi til Evrópu - Greinaflokkur

EIGUM ALLSKONAR STIGA Á LAGER
Sjá: http://www.sogem-stairs.com/stairs/ladders/cottage Sími 848 3215 www.byggi...
Pennar
...
Stimplar
...
 
Framhald
Nauðungarsala
Uppboð Einnig birt á www.naudungarsolu...
Skipulagsmál
Tilkynningar
Rangárþing ytra Auglýsing um skipulags...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Framhald uppboðs
Nauðungarsala
Uppboð Einnig birt á www.naudungarsolu...