Mikilvægar birgðir farnar að berast
Setja bókamerki
Mikilvægar birgðir og hjálpargögn í baráttunni við ebóluveiruna eru farin að berast til landanna þriggja í Vestur-Afríku sem faraldurinn hefur leikið verst. Þetta segir John Mahama, forseti Gana.
Mahama er formaður ECOWAS, sem er efnahagsbandalag Vestur-Afríkuríkja. Hann sagði í samtali við breska ríkisútvarpið, að verið sé að setja upp sjúkraaðstöðu í Gíneu, Líberíu og í Síerra Leóne. Þá hvetur hann hjálparstofnanir til að samhæfa sig betur til að forðast tvíverknað.
Yfir 4.500 hafa látist af völdum ebólu; yfirgnæfandi meirihluti í ríkjunum þremur. Talið er að um 70% þeirra sem hafa smitast hafi látist.
Fyrr í dag greindi Alþjóðaheilbrigðismálastofnunin frá því að Nígería væri laus við ebólu, en engin ný tilfelli hafa greinst í landinu undanfarnar sex vikur. Í síðustu viku var greint frá því sama í Senegal.
Gleymir seint deginum sem skriðurnar féllu
„Sárt að horfa upp á þetta“
Børsen brennur á afmæli drottningar
Ráðherra um árshátíðina: „Hljómar frekar hátt“
Með skerta aksturshæfni og undir slævandi áhrifum
Byggingarheimildir verði tímabundnar