Vegfarendur á 36. stræti í New York sáu nokkuð óvenjulegt á sunnudag er hestur kom brokkandi niður götuna. Á eftir honum fylgdu lögreglubílar. Víðar sást til hestsins um borgina.
Enn er óljóst hvaðan hesturinn kom og lögreglan í New York hefur ekki gefið upplýsingar um málið.
Á síðustu tveimur árum hafa yfir 20 slys orðið í New York þar sem hestar koma við sögu, samkvæmt upplýsingum dýraverndunarsamtaka. Samtökin vilja að hætt verði að nota hestvagna í borginni en slíkt er vinsæl afþreying fyrir ferðamenn.