Lögreglan í Ottawa í Kanada hefur staðfest að skotum hafi verið hleypt af á þremur stöðum í borginni í dag, í þinghúsinu, við stríðsminnisvarðann og í Rideau verslunarmiðstöðinni sem er austur af Parliament Hill. Þá hefur verið staðfest að einn byssumaður hafi verið skotinn til bana.

Talið er að annar byssumaður gangi enn laus. 

Hermaður sem var skotinn í borginni í dag særðist, en ekki er vitað með líðan hans, að því er fram kemur í kanadískum fjölmiðlum. Byssumaðurinn var vopnaður riffli þegar hann skaut hermanninn við stríðsminnisvarðann í miðborg Ottawa. Hann hljóp síðan inn í bifreið og ók upp að þinghúsinu og fór þangað inn. 

Þingmenn og aðrir sjónarvottar segja að nokkrum skotum hafi verið hleypt af í þinghúsinu. 

Búið er að loka miðborg Ottawa á meðan lögregluaðgerðin stendur yfir. 

Skotárás í Kanada

Tengdar fréttir

Skotárás í Kanada

Telja árásina snúast um pólitík

• Átti við andleg veikindi að stríða
• Engin tengsl við Ríki íslams
• Birtu upptöku sem sýnir byssumanninn
• Maður handtekinn við stríðsminnisvarðann

» Fleiri tengdar fréttir

• Blogga um frétt