Koma áróðri til N-Kóreu með loftbelgjum

Til ryskinga hefur komið í Suður-Kóreu, skammt frá landamærunum við Norður-Kóreu, milli íbúa á svæðinu og fólks sem reynir að senda skilaboð til fólks handan landamæranna með loftbelgjum.

Íbúar við landamærin óttast að þessar sendingar með loftbelgjunum geti reitt stjórnvöld í Norður-Kóreu til reiði og að þeir verði fyrir loftárásum af þeim sökum. Þeir sem reyna að koma áróðri til íbúa Norður-Kóreu með loftbelgjum hafa verið kallaðir öllum illum nöfnum og grýttir með eggjum.

Ríkisfréttastofa Norður-Kóreu hefur gagnrýnt þá sem reyna að blekkja íbúa landsins með áróðursritum. Þeir sem standa fyrir þessu eru sakaðir um að reyna að koma illu til leiðar.

• Blogga um frétt