Þrjár af stærstu sjónvarpsstöðvum Bandaríkjanna, ABC, NBC OG CBS munu ekki sýna ræðu Barack Obama, Bandaríkjaforseta um innflytjendamál sem flutt verður í dag. Hvíta Hússins segja það vera vonbrigði.
„CBS News mun ekki sýna ræðuna í kvöld,“ sagði talskona stöðvarinnar í samtali við AFP. NBC sagði jafnframt að stöðin myndi aðeins sýna ræðuna á fréttastöð sinni MSNBC.
Sjónvarpsstöðin ABC staðfesti einnig að stöðin myndi ekki sýna ræðuna í sjónvarpinu en hún yrði þó sýnd á stafrænum miðlum stöðvarinnar.
Samkvæmt frétt AFP vonaðist Hvíta Húsið eftir því að ræðan myndi fá mikla athygli og ná til sem flestra. Í ræðunni mun Obama fara yfir áætlanir sínar til þess að hlífa ólöglegum innflytjendum í Bandaríkjunum frá því að vera sendir úr landi.
Tvær spænskumælandi sjónvarpsstöðvar, Univision og Telemundo, munu sýna ræðuna í beinni ásamt CNN, MSNBC, PBS og Fox News.
bd-jca/jm/sst