Frakkar senda herþotur til Jórdaníu
Setja bókamerki
Sex herþotur verða sendar til Jórdaníu á næstu dögum til að taka þátt í loftárásum Frakka á hendur hryðjuverkasamtökunum Ríki íslams í Írak. Þetta sagði Manuel Valls, forsætisráðherra Frakklands, í dag.
Hann hefur leiðrétt fyrri ummæli um að vélarnar væru komnar til Amman, sem er höfuðborg Jórdaníu. Hann segir að þær séu væntanlegar á næstu dögum. Valls er staddur í Niamey, höfuðborg Níger, í dag, en hann sótti borgina heim til að sýna stuðning við baráttuna gegn hryðjuverkum í Sahel.
Frakkar eru nú þegar með níu herþotur í Sameinuðu arabísku furstadæmunum. „Alla daga, alls staðar í heiminum, sýnir her okkar getu sína í þágu Frakklands,“ sagði Valls í ræðu sinni.
Varnarmálaráðherra Frakklands, Jean-Yves Le Drian, hafði tilkynnt fyrirhugaða aðgerð; að senda sex Mirage 2000-Ds-herþotur til Jórdaníu á miðvikudag.
Frakkland hóf loftárásir sínar á Ríki íslams í Írak í september. Frakkland var fyrsta þjóðin til að taka þátt í baráttu Bandaríkjanna gegn samtökunum með loftárásum.
„Það er skiljanlegt að þolinmæði þeirra sé lítil“
Innviðir þandir og álagið „gríðarlegt“
Mikil skjálftavirkni á landinu áhyggjuefni
Þrjú og hálft ár fyrir skotárás í Úlfarsárdal
Starfsfólk gæti fengið reikning frá Skattinum
„Tíminn er runninn út fyrir Kristján Loftsson“
Stóraukið fé til samgöngusáttmála