Hvetja fólk til að sniðganga „svartan föstudag“
Setja bókamerki
Fjölmargir þekktir Bandaríkjamenn hvetja landsmenn til þess að sniðganga verslanir á morgun, á svo nefndum „svörtum föstudegi“, sem er stærsti verslunardagur ársins í Bandaríkjunum. Ástæðan er ákvörðun kviðdóms um að lögreglumaður sem skaut óvopnaðan átján ára blökkupilt til bana í ágúst verði ekki sóttur til saka.
Meðal þeirra sem hafa skrifað undir áskorun á netinu varðandi kauplausan dag á morgun er hip hop-listamaðurinn Russell Simmons en áskorunina er að finna á Twitter undir kassamerkinu #NotOneDime og #BlackoutBlackFriday.
„Við höfum máttinn til þess að breyta þjóð okkar. Stöndum saman með @UnitedBlackout á #BlackoutBlackFriday,“ skrifar ein þeirra sem tekur þátt í átakinu, leikkonan Kat Graham, sem leikur í sjónvarpsþáttaröðinni The Vampire Diaries.
Í dag halda Bandaríkjamenn þakkargjörðarhátíðina hátíðlega en á morgun þyrpast þeir í búðir til þess að gera góð kaup fyrir jólin.
Æskuvinur Íslendings myrtur í Noregi
„Hvílir mikil leynd yfir þessu öllu“
Banna mengandi búnað sem leyfður er á Íslandi
Skemmtiferðaskip hætt komið nærri Viðey
Kostnaður meiri en milljón á fermetra
Vona að Orkustofnun veiti ekki virkjunarleyfi
Tveir í bílnum sem lenti utan vegar