Stal bifreið í eigu danska hersins

Karlmaður sem danska lögreglan skaut til bana á sunnudaginn í bænum Høng á Sjálandi var 23 ára gamall og hafði lögreglan áður veitt honum eftirför þar sem hann ók um á stolinni bifreið í eigu danska hersins. Málið er til rannsóknar hjá innra eftirliti lögreglunnar.

Fram kemur á fréttavefnum Thelocal.dk að maðurinn hafi meðal annars ekið á þrjár aðrar bifreiðar á meðan lögreglan veitti honum eftirför. Þegar hann gerði sig síðan líklegan til þess að aka á lögreglumann skaut lögreglumaðurinn hann til bana.

Þegar innra eftirlit lögreglunnar hefur lokið rannsókn sinni ákveður ríkissaksóknari Danmerkur hvort ástæða sé til að leggja fram ákæru vegna málsins.

• Blogga um frétt