Réttarhöldum yfir tveimur karlmönnum frá Búrma, sem meðal annars eru ákærðir fyrir að hafa myrt tvo ferðamenn frá Bretlandi á eyjunni Koh Hao í september, hefur verið flýtt.Þau áttu að hefjast í febrúar en hófust í dag.
Mennirnir eru báðir 21 árs. Þeir eru sakaðir um að bera ábyrgð á dauða Hönnuh Witheridge og David Miller. Mennirnir játuðu morðin en drógu síðar játningar sínar til baka og sögðust hafa verið pyntaðir við yfirheyrslur í málinu.
Mennirnir eru báðir farandverkamenn og gætu hlotið dauðarefsingu, verði þeir fundnir sekir. Þeir eru meðal annars ákærðir fyrir morð, nauðgun og hafa dvalið ólöglega í Taílandi.