Ekki kosið í Svíþjóð í mars

Forsætisráðherra Svíþjóðar, Stefan Löfven
Forsætisráðherra Svíþjóðar, Stefan Löfven AFP

Hætt er við auka þingkosningar í Svíþjóð, samkvæmt heimildum Expressen. Forsætisráðherra Svíþjóðar, Stefan Löfven hefur boðað blaðamenn á sinn fund og er hann að hefjast innan skamms.

Samkvæmt frétt Dagens Næringsliv verða fulltrúar bæði ríkisstjórnarflokkanna og bandalags borgaraflokkanna á blaðamannafundinum.

Til stóð að  boða til auka þingkosninga þann 22. mars þar sem minnihlutastjórn Löfven náði ekki að fá fjárlagafrumvarp sitt samþykkt á þingi nýverið.

Viðræður hafa staðið yfir milli stjórnarflokkanna og stjórnarandstöðunnar síðan fyrir jól og hafa flokkarnir nú náð samkomulagi um fjárlög næsta árs. 

mbl.is
Fleira áhugavert
Fleira áhugavert