Níu mánaða gamall drengur er látinn eftir að skot hljóp úr hlaðinni skammbyssu sem fimm ára gamall bróðir hans var að leika sér með í Missouri í Bandaríkjunum í gær. Farið var með barnið á sjúkrahús en það var úrskurðað látið við komuna þangað.
Atburðurinn átti sér stað í bænum Elmo, rúmlega 190 kílómetra norður af Kansas-borg í Missouri-ríki. Að sögn lögreglu fann eldri drengurinn hlaðna .22 kalíbera skammbyssu og var að því er virðist að handleika hana þegar skot hljóp úr henni. Yngri drengurinn var í leikgrind þegar hann varð fyrir skotinu.
Fógetinn í Nodaway-sýslu segir að lögreglan hafa enga ástæðu til að ætla annað en að um slys hafi verið að ræða.