Repúblikanar í fulltrúardeild Bandaríkjaþings drógu til baka frumvarp sem hefði bannað flestar fóstureyðingar eftir 20. viku meðgöngu eftir uppreisn kvenna í flokknum gegn því. Þess í stað samþykktu þingmenn flokksins frumvarp sem bannar opinberar niðurgreiðslur á fóstureyðingum.
Frumvarpið hefur vakið mikinn úlfaþyt vestanhafs en konur í Repúblikanaflokknum höfðu bent á að upphaflega frumvarpið gerði ekki nóg til að tryggja rétt fórnarlamba nauðgana til að fara í fóstureyðingu.
Repúblikanaflokkurinn hefur sætt gagnrýni fyrir afstöðu sína til réttinda kvenna, þar á meðal hvað varðar réttinn til fóstureyðinga. Afdrif frumvarpsins nú þykja gefa vísbendingu um einhverja stefnubreytingu í málaflokknum innan flokksins. Sömu konur og stöðvuðu framgang þess nú kusu með sambærilegu frumvarpi í fulltrúadeildinni árið 2013.
Frétt The Washington Post af frumvarpi repúblikana um bann við fóstureyðingum