Eldflaugaárás var gerð á hafnarborgina Mariupol í Úkraínu á laugardag. Þrjátíu létust í árásinni og 100 særðust.
Talið er að aðskilnaðarsinnar hafi skotið eldflaugunum að borginni frá svæðum sem þeir stjórna í austurhluta landsins.
„Allt í einu fann ég högg á fæti mínum og flaug yfir grindverkið,“ segir maður sem liggur særður á sjúkrahúsi eftir árásina. Hann bjó í fyrstu sjálfur um sárið, batt reipi um fót sinn, áður en hann komst á sjúkrahús.