Vopnaðir menn hófu skothríð inni á hóteli í Trípólí, höfuðborg Líbíu. Fram kemur á vef BBC, að a.m.k. tveir byssumenn hafi gengið inn og hafið skothríð í móttökusal Corinthia hótelsins, sem er vinsælt meðal erlendra ferðamanna.
Þá sprakk bílsprengja fyrir utan hótelið skömmu síðar.
Það er óljóst á þessari stundu hvort byssumennirnir séu enn inni í byggingunni. Þá er ekki vitað hvort saklausir borgarar séu þar enn og hvort þeir séu í haldi þeirra.
BBC segir að fram kemur á Twitter-reikningi sem tengist hryðjuverkasamtökunum Ríki íslam, að liðsmenn samtakanna beri ábyrgð á árásinni. Þetta hefur hins vegar ekki fengist staðfest.
Sjónarvottur segir í samtali við BBC, að hann hafi heyrt skothvelli og séð fólk á hlaupum. Allir hefðu komist út bakdyramegin.
BBC segir að lögreglumenn hafi náð að handtaka einn byssumann, en að tveir séu enn inni í hótelinu.