Erlent | AFP | 22.2.2015 | 14:12 | Uppfært 15:23

Saka Tyrki um svívirðilega innrás

Mynd 1 af 3 Mynd sem dreift var í dag af tyrknesku ríkisstjórninni sýnir forsætisráðherrann Ahmet Davutoglu (annar frá hægri), ásamt starfsliði sínu að skoða gang aðgerðarinnar í nótt. EPA

Mynd 2 af 3 Tyrkneskur skriðdreki á leið til grafhýsisins í Kobane í nótt. EPA

Mynd 3 af 3 Tyrkneskir skriðdrekar snúa aftur til Tyrklands eftir að hafa tryggt öryggi hermannanna sem gættu grafhýsis Suleymans. EPA

Stjórnvöld Sýrlands lýsa aðgerð Tyrkja, sem fór fram í nótt, sem svívirðilegri innrás. Tyrkneski herinn fór þá inn í Sýrland til bjargar fjörutíu hermönnum sem varið hafa tyrkneskt grafhýsi í landinu.

„Tyrkir láta ekki aðeins nægja að gefa Daesh (Samtökunum Íslamskt ríki) alls kyns stuðning,“ segir í yfirlýsingu frá utanríkisráðuneyti Sýrlands. „Heldur gera þeir einnig þessa svívirðilegu innrás á sýrlenskt yfirráðasvæði og eins og venjulega þá bíða þeir ekki eftir samþykki Sýrlendinga.“

Segir enn fremur í yfirlýsingunni að aðgerðin, sem framkvæmd var á svæði samtakanna Íslamskt ríki, beri vitni um náin tengsl tyrknesku ríkisstjórnarinnar við hryðjuverkamennina.

Frétt mbl.is: Grafhýsisvörðum bjargað frá Sýrlandi