Karl og kona fundust látin og einn karl var fluttur mjög alvarlega særður á sjúkrahús. Ekstra Bladet hefur eftir aðstoðarlögreglustjóranum á Borgundarhólmi, Peter Højgaard Jørgensen, að sá særði sé 68 ára gamall en það var hann sem lét vita af skotárásinni. Talið er að árásarmaðurinn sé karlinn sem lést og hann hafi framið sjálfsvíg eftir árásina.

Jørgensen segir í viðtali við fréttastofu Berlingske að haglabyssa hafi fundist á staðnum og hún sé talin vera morðvopnið. Ekki sé hægt að útiloka aðild þess fjórða en það sé afar ólíklegt.