Kennari dæmdur fyrir kynferðisbrot

Mynd/Wikipedia

Þrítugur kennari við gagnfræðiskóla í Detroit var í dag dæmd í 6-15 ára fangelsi fyrir kynferðisbrot, en hún stundaði kynlíf með nemanda sínum, sem er ólögráða einstaklingur. Konan viðurkenndi brotið fyrir dómi í síðasta mánuði.

Konan, sem heitir Kathryn Ronk, stundaði kynlíf með 15 ára karlkyns nemanda sínum í skólastofum skólans. Einnig stunduðu þau kynlíf utan skólans, en hún bíður enn dóms vegna þeirra brota, þar sem hún var í dag aðeins dæmd fyrir kynferðisbrotið innan veggja skólans. 

Ronk baðst afsökunar við uppkvaðningu dómsins. „Mér þykir leitt það sem ég hef gert fórnarlambinu, fjölskyldu hans, skólanum, samfélaginu okkar, fjölskyldu minni og ekki síst eiginmanninum mínum,“ sagði hún við dómarann í málinu. „Eftir meðferð vona ég að mér takist að bæta mig sem manneskja. Ég veit að ég er á leið í fangelsi, en þetta er verkefni sem ég verð að sinna,“ bætti hún við. 

Dómarinn í málinu var harðorður við uppkvaðningu dómsins. Dómstólnum bárust nokkur bréf þar sem fólk lýsti yfir stuðningi við kennarann. 

„Öll bréfin fjölluðu um þig og það sem þú ert að ganga í gegnum. Aumingja þú,“ sagði dómarinn við Ronk. „Fólk lítur framhjá þeim glæp sem þú framdir á skólalóðinni, meðal annars í bifreið. Þú gerðir eitthvað sem þú áttir ekki að gera. Ef þetta mál snerist um 15 ára stelpu og þrítugan karlkyns kennara, þá væru allir að kalla eftir blóðsúthellingum. En af því að þú ert kona þá lítur fólk léttúðlegra á málið.“

„Strákurinn sem þú braust gegn hefur greint frá því að það taki hann mögulega nokkur ár að jafna sig á þessu. Þú veist ekki hvaða skaða þú hefur valdið því skaðinn gæti komið í ljós fyrst eftir mörg ár. Strákurinn er 15 ára og ennþá að átta sig á hvernig heimurinn virkar,“ sagði dómarinn. 

Sjá frétt CBS-news

mbl.is

Bloggað um fréttina

Frá Sýrlandi til Evrópu - Greinaflokkur

YRSA mekkanískt gullhúðað vasaúr
...í jólapakkann, verð 19.500,-. Mikið úrval af YRSU og PL armbandsúrum. GÞ Ban...
VOLVO V70
VOLVO V70 ÁRG. 2006, EINN EIGANDI, EK. AÐEINS 104 Þ. KM., 2,4L., 5 GÍRA, DÖKKT L...
PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
 
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Félagsastarf
Staður og stund
Aflagrandi 40 Opin vinnustofa kl. 9 og s...
Félagsstarf
Staður og stund
Aflagrandi 40 Opin vinnustofa kl 9, fore...