Forseti Túnis, Beji Caid Essebsi, hét því í dag að engin grið yrðu gefin í baráttunni við hryðjuverkamenn í kjölfar þess að byssumenn myrtu 22 manns, þar af 20 erlenda ferðamenn, í þjóðminjasafni landsins í dag.
„Ég vil að túniska þjóðin geri sér grein fyrir því að við erum í stríði við hryðjuverkamenn og að þessir villimannlegu minnihlutahópar hræða okkur ekki,“ sagði hann í sjónvarpsávarpi. „Við munum berjast við þá án misskunnar til síðasta andardráttar.“
Erlendu ferðamennirnir sem létu lífið voru frá Suður-Afríku, Frakklandi, Þýskalandi, Póllandi og Ítalíu. Tveir Túnisar létu einnig lífið, almennur borgari og lögreglumaður. Tveir byssumenn voru skotnir til bana af lögreglunni. Leitað er að mögulegum viðorðsmönnum þeirra.