Sergeir Ryabkov, aðstoðarutanríkisráðherra Rússlands og aðalsamningsmaður ríkisins í kjarnorkuviðræðunum við Íran, telur meira en helmingslíkur á því að samningar muni nást um hina umdeildu kjarnorkuáætlun íranskra stjórnvalda.

Í dag hófust viðræður Írana við stórríkin sex, Rússland, Bandaríkin, Bretland, Frakkland, Kína og Þýskaland, á nýjan leik eftir nokkurt hlé. Hafa samningsmenn ríkjanna sett sér það markmið að semja fyrir næsta miðvikudag, 1. apríl.

Utanríkisráðherrar ríkjanna sögðu eftir samningafundinn í dag, sem fram fór í svissnesku borginni Lausanne, að lausn væri í sjónmáli.

Kjarn­orku­áætlun Írans þykir afar um­deild og vilja stór­veld­in hindra það að Íran­ir komi sér upp kjarna­vopn­um.

Frá samningafundinum í dag. AFP

Tengdar fréttir

Íran

Leiðtogar G7-ríkjanna funda vegna árásarinnar

• Ísland fordæmir árásina
• Skutu 300 drónum og flugskeytum
• Árásirnar í Írak og Sýrlandi bara „upphafið“
• Hyggja á röð árása í Írak og Sýrlandi

» Fleiri tengdar fréttir

• Blogga um frétt