Geimskip geimvera hafa aldrei komið inn í lofthelgi Japans. Þetta upplýsti varnarmálaráðherra landsins, Gen Nakatani, japanska þingið um eftir að hafa fengið fyrirspurn þess efnis frá þingmanninum Antonio Inoki samkvæmt frétt AFP.
Fram kemur í fréttinni að Nakatani hafi fullvissað þingmennina um að ef litlir grænir karlar létu á sér kræla með þeim hætti gætu herflugvélar landsins tekið á málinu. Herflugvélar væru sendar á loft í hvert sinn sem vart yrði við óþekkt flugfar. Sagðist hann ekki vita til þess að um flugfar utan að úr geiminum hefði verið að ræða til þessa.