Merki um vaxandi „rasisma“ í Evrópu

Ahmet Davutoglu, forsætisráðherra Tyrklands, er ósáttur við ályktun Evrópuþingsins um ...
Ahmet Davutoglu, forsætisráðherra Tyrklands, er ósáttur við ályktun Evrópuþingsins um þjóðarmorð á Armenum. AFP

Ályktun sem Evrópuþingið samþykkti þar sem Tyrkir eru hvattir til að viðurkenna dráp þeirra á Armenum sem þjóðarmorð er merki um vaxandi „rasisma“ í Evrópu að mati Ahmet Davutoglu, forsætisráðherra Tyrklands. Hann fordæmir ályktun Evrópuþingsins.

Þingmenn Evrópuþingsins samþykktu ályktun á miðvikudag þar sem Tyrkir voru hvattir til að nota aldarafmæli fjöldamorða þeirra á Armenum árið 1915 sem tilefni til að viðurkenna að um þjóðarmorð hafi verið að ræða. Armenar segja að 1,5 milljónir þeirra hafi verið drepnir af herjum Ottómanveldisins gagngert til að útrýma þeim í Anatólíu, Asíuhluta Tyrklands.

Tyrkir segja hins vegar að hundruð þúsund Tyrkja og Armena hafi fallið þegar hersveitir Ottómanveldisins börðust við her rússneska keisaraveldisins um yfirráð yfir austurhluta Anatólíu.

Davutoglu sagði í dag að í ályktuninni væri litið fram hjá þjáningum múslímskra Tyrkja í fyrri heimsstyrjöldinni og hætta væri á að hún hvetti til haturs í garð annarra trúarhópa en kristinna.

„Þetta mál er ekki lengur bundið við samskipti Tyrkja og Armena. Það er ný birtingarmynd rasisma í Evrópu,“ sagði forsætisráðherrann við fjölmiðlamenn.

Hann sagði einnig að fjöldi öfgahægriflokka ættu fulltrúa á Evrópuþinginu og þar væru ákvarðanir teknar á „kæruleysislegan“ hátt.

mbl.is

Bloggað um fréttina

Frá Sýrlandi til Evrópu - Greinaflokkur

Bækur til sölu
Bækur til sölu Það blæðir úr morgunsárinu, tölus., áritað, Jónas E. Svafár, Spor...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
R108 Rúmgóð, falleg 3 herb. m.húsgögnum
Rúmgóð og falleg 3 herbergja íbúð í Stóragerði til leigu frá janúar 2018. Leigis...
 
Aðalfundur
Fundir - mannfagnaðir
Aðalfundur Aðalfundur Vör...
Félagsstarf
Staður og stund
Aflagrandi 40 Opin vinnustofa kl. 9 og b...
Framhald
Nauðungarsala
Uppboð Einnig birt á www.naudungarsolu...
L helgafell 6017112219 iv/v
Félagsstarf
? HELGAFELL 6017112219 HogV IV/V M...