Harry Bretaprins verður líklega ekki heima þegar frænka hans eða frændi, barn Katrínar hertogaynju og Vilhjálms prins, kemur í heiminn.

Harry er nú í Ástralíu í verkefnum fyrir herinn þar í landi. Hann skrapp heim til Bretlands um helgina en þurfti að fara til starfa sinna aftur í dag. Barn Katrínar og Vilhjálms er væntanlegt í heiminn á hverri stundu.

Vegna starfa sinna í Ástralíu er því líklegt að Harry geti ekki séð litla barnið fyrr en um miðjan maí.

Harry er flugmaður í hernum. Hann er þrítugur. Hann mun dvelja í Ástralíu næstu daga en 9. maí heldur hann til Nýja-Sjálands.

Flestir veðja á að fæðist prinsessa fái hún nafnið Alice, Karlotta, Elísabet eða Viktoría. KOmi lítill prins veðja flestir á að foreldrarnir velji  James, Arthur eða Alexander.

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt