10 í fangelsi fyrir árás á Malölu
Malala Yousafzai eftir árásina í október árið 2012.
AFP
Setja bókamerki
Dómstóll norðvesturhluta Pakistans dæmdi í dag tíu karlmenn í lífstíðarfangelsi fyrir að reyna að myrða nóbelsverðlaunahafann Malölu Yousafzai árið 2012.
„Tíu menn sem tengdust árásinni á Malölu Yousafzai hafa verið dæmdir í lífstíðarfangelsi,“ segir starfsmaður dómstólsins við AFP-fréttastofuna. Lögmaður sem var viðstaddur uppkvaðninguna hefur staðfest þessar fréttir.
Árásarmennirnir fóru um borð í skólabíl sem Malala var í í október árið 2012 og skutu hana í höfuðið. Hún hafði þá, þrátt fyrir að vera á unglingsaldri, tjáð sig opinberlega um menntun stúlkna í Pakistan. Tvær vinkonur Malölu særðust einnig í árásinni.
Malala Yousafzai hlaut friðarverðlaun nóbels árið 2014 fyrir baráttu sína fyrir menntun kvenna í Pakistan.
Malala í október 2014, tveimur árum eftir árásina.
AFP
Starfsfólk gæti fengið reikning frá Skattinum
Innviðir þandir og álagið „gríðarlegt“
„Það er skiljanlegt að þolinmæði þeirra sé lítil“
Allar rúður brotnar hjá Fiskikónginum
Aukin tíðni þungunarrofa hjá yngsta aldurshópnum
Benda á Samgöngustofu sem bendir út í heim
Hjón sluppu með skrekkinn