Vilhjálmur Bretaprins og Katrín hertogaynja stigu út með nýfædda dóttur sína og sýndu hana fjölmiðlum fyrir utan St Mary's sjúkrahúsið í London rétt í þessu. Prinsessan virtist hafa sofið í gegnum stóru stundina, en hún var vafin inn í hvítt teppi.
Hjónin veifuðu til fréttamanna og brostu á meðan dóttirin svaf í fangi móður sinnar. Fjölskyldan yfirgaf sjúkrahúsið í kjölfarið og hélt heim til Kensingtonhallar.
Í tilkynningu frá fjölskyldunni fyrr í dag sögðust þau ætla að yfirgefa sjúkrahúsið í kvöld, og voru því þau fyrr á ferðinni en flestir höfðu gert ráð fyrir.
Í tilkynningunni þökkuðu hjónin starfsfólki sjúkrahússins fyrir þá umönnun og meðferð sem þau fengu þar og þökkuðu einnig almenningi fyrir fallegar óskir.
Georg litli prins hefur þegar haldið aftur til hallarinnar, en hann heimsótti sjúkrahúsið fyrr í dag og hitti systur sína í fyrsta skipti.
Vilhjálmur Bretaprins sagði fréttamönnum fyrr í dag að hann væri „mjög hamingjusamur“ eftir að eiginkona hans fæddi dóttur þeirra í morgun. Stúlkan fæddist um klukkan hálf níu í morgun og er tæpar 15 merkur að þyngd.
Litla prinsessan verður fjórða í erfðaröðinni að krúnunni á eftir afa sínum, föður og Georg, stóra bróður sínum. Nú er beðið með spennu eftir því að foreldrarnir nefni stúlkuna en enn sem komið er veðja flestir á að hún fái nafið Alice.
— Alastair Bruce (@AlastairBruce_) May 2, 2015
Well I doubt many women look like that 10 hours after giving birth...?! No words from the couple. Just smiles/waves pic.twitter.com/g3dvdLp50T
— Rose Hughes (@RoseSkyNews) May 2, 2015
And it was all over in a day....text book pic.twitter.com/zkgjOpfdC1
— Rose Hughes (@RoseSkyNews) May 2, 2015