Fyrrverandi forseti Kúbu, Fidel Castro, hitti utanríkisráðherra Japans, Fumio Kishida, í gær. Ráðherrann er í fyrstu heimsókn utanríkisráðherra Japana til Kúbu. Hann hitti forsetann fyrrverandi á heimili hans í Havana.
„Fidel og hinn háttvirti gestur ræddu um samband Kúbu og Japans,“ segir í ríkisdagblaði Kúbu.
Engar myndir hafa birst af fundinum. Castro er orðinn 88 ára gamall og nokkuð heilsuveill.
Ráðherrann hitti einnig bróður Castros, Raul Castro Kúbuforseta.